viodi "il Palâç" viodi "il cjiscjel" viodi "la gleseute" viodi "il parc" viodi "la cjase di Nonino"
il portâl il proposit prin di rivâ o sin rivâts
i Baschera i Nonino i Pirzio-Biroli la storie e va indenant

1- cirche l˙an’30. (da çampe a diestre) No cognossût, Livia Nonino, Pina Codutti in Nonino, Bepo Nonino, Uria Baschera.
2- 1947 - Famee te partence a Buenos Aires. Giuseppe Nonino, Livia Nonino,
Uria Baschera, Lino Silvano Baschera (papá) y Bruno Baschera.
3- Pina y Giuseppe Nonino. (cirche 1910)

 

Giuseppe (Bepo) Nonino,(1-6-1873), al à scomençât a lavorâ pe famee Savorgnan di Brazzà, tal lôr Cjiscjel di “Brazzà di sore” a Morùs, dongje Udin tal Friûl, cal veve dome sedis agns.

Si spose cun Giuseppina (Pine) Codutti, e àn vut cinc fiis, Elda, Marie, Mario, Amelie e Livie. Man man che si levin sposantsi a emigravin viars l’Argjentine, dome Livie la plui piçule e je restade cui paris a Brazzà.

Tal 1933 al nas il secont fi dal matrimoni di Livie cun Uria Baschera, Lino Silvano mio pari.

Tal 1946 e mûr Pine, un an plui tart, Nonino che al veve 73 agns al partîs cun so fie Livie, il zinar Uria, e i soi doi nevôts, Bruno e Silvano par l’Argjentine. Il nono Bepo al mûr a 84 agns a Buenos Aires.

 

viodi plui fotografie
Cemût che al jere la relazion dai Nonino, cu la famee Savorgnan Pirzio-Biroli..

Secont ce che conte Fey Pirzio-Biroli, Idanna “La Contessine” come che le clamave Nonino, e passave tancj dopomisdìi tal istat cun Pine, te teraçute de cjase di Nonino.

“... la moglie di Nonino, la Pina, che fece sempre la sarta per la famiglia, fu una grande amica e confidente di mia madre. Ciò era dovuto non solo alla sua acuta inteligenza e alla sua sageza, ma anche al suo senso dello spirito che benne si accordava con quello della sua padrona.
Nonino e la Pina abitavano in una casetta della propietà, e la Pina lavorava da sarta a casa sua o a casa nostra. Mia mader andava spesso a farle visita attraversando il giardino. Un giorno, rientrata alla Villa, si trovò un pulce. Nonino fu inviato dalla moglie con un vassoio d˙argento e un bicchiere d˙acqua nel cuale era la pulce. La Pina rimandò Nonino con bicchiere a mia madre con l˙osservazioneche quella pulce non la aveva presa a casa sua perché "le mie pulci hanno la corona".
Dopo la morte della Pina, nel 1946, Nonino se ne and" a raggiungere i suoi fifli in Sud-America. Era venuto da noi a 16 anni, e ripartiva a 73. La Pina la feci seppelire accanto a mia Madre nella tomba di famiglia.”
- Frammento del libro di Detalmo Pirzio Bíroli “Finestre e Finestrelle” 2005 Campanotto Editore, Italia.

Al murî Idanna tal 1940, e à lassât dît che cuant che i fos tocjade l’ore a Pine, le voleve dongje di jê tal simiteri, e cussi al è stât, te tombe di Pine e je sculpide une frase scrite par Idanna Savorgnan Brazzà, chê e dîs ;
“Mari dilete, agnul vuardian pietôs, che par no tu sês simpri stade pas e confuart, lûs e rideç, inradiazion permanente tai nestris cûrs, semencis preziôsis di virtud, par te al cîl fidât o alcin tal vaî lis nestris preieris, to prepare l’ore tant suspirade, di cjatânus une dì ducj insieme, te vision di Jesù, Josef e Marie, i cui nons deliziôs, che pietôs tu as invocât te tô dolorose agonie”..


L’AUTOMOBIL DI NONINO

Rigjavat dal libri di, Detalmo Pirzio-Biroli, “Finestre e finestrelle su Brazzà e altrove
Voltat al Furlan par Galliano De Agostini (Il me mestri di Furlan)


Un biel dì, tal 1921, e rivà la gnove machine al Cjiscjel di Brazzà, une Fiat 502. Nonino al jere lât a cjolile a Turin, dulà che lu an istruît par ben, su lis carateristichis dal biroç, e sul funzionament dal motôr.
Ancje se al faseve il carocîr, Nonino nol jere a dizun des cognossincis mecanichis. Ai finâi dal secul pasât, di fat la none Cora (Cora Slocomb di New Orleans) e veve comprât une “Itala”, za che i automobii e circolavin tai Stâs Unîts, none Cora no voleve che Brazzà, in Italia, e fos mancul.
In chê ocasi"n Nonino al à podût zontâ a lis sôs funzions di maiordom-mestri di cjase e carocîr, ancje che di condutôr, al jere stât incaricât di fâ un cors complet come mecanic, a tal pont che al jere in grat di disfà un automibil in dutis lis sôs parts, e di tornâ a rimontâlu. Ma la famose “Itala”, e jere une di chês machinis che semeavin ancjemò une carete, se nol fos stât che no coventavin cjavai.
No podeve competi puarine cun lis elegantis carocis a chaval, come la “Vittoria e Coupè”, cusì che e je stade usade pôc.
La gnove Fiat 502 e jere ben altri. E veve une caroçarie che semeave une scjatule retangulâr di un colôr neri sflandorôs, e sul denant un insignificant e ridicul capote ornât cun doi vistôs ferâi cun orladuris doradis.Il condutôr al steve sentât denant su la diestre, separât da un tramieç cun veris, chest al veve il segret, ancje se mai ametût, che nol podeve sinti lis conversazions .
Puar condutôr, al steve lì di fûr sôl tal frêt. Cuant che al ploveve al srodolave e al tirave ju dôs tendinis di tele nere catramade.
Ad ogni mût al veve simpri di meti il braç difûr par cambià lis marcis o usà il freno a man, che vevin i liniaments di dôs altis e pretinziosis levis doradis .
Come “claxon” e jere ben visibile une trombete, le soflavin cun tune gruesse piruçe di gome nere, che faseve Plooo… Plooooo….

Il motôr al vignive inviât par mieç di une grande manuele sul devant de capote viars il bas in corispondence dal arbul di leve.
Cuant che une volte o ai tocjat la manuele, Nonino, mi a dât une lavade di cjâf “chest nol è pai fruts ¡ricuarditi, cuant che il motôr si impie, al bisugne gjavà la man altrimentri ti romp il pols”.
Tal interno il biroç al semeave un elegant tinel, cun doi comuts puescj par sentasi, tipo “canapé”, e se si solevave il poje braç di mieç, al jere puest par trê personis, sôl che un pôc plui strets. Sul denant si podeve tirà fûr doi sedii o strapontins. Lis barconetis e vevin lis lôr graziosis tendinis e su che a diestre al jere fissât un piçul vâs di rosis, lavorât in veri.
Al veve ancje un telefonut manuâl, che si podeve fevelài al condutôr, cal veve il ricevidôr just daur de orele çampe, e al podeve rispuindi dome zirant un pôc il cjâf, in definitive al jere dut a e ultime mode.
A chei timps ancjemò ducj e circolavin in svariadis veturis a cjaval: “Landò, Vittoria, Coupè, Break, Calesse, Calessino e Tonneau. Forsi no jerin plui di une cincuantine di automobii in dut il Friûl, regjon che fas confin cun l’Austrie te part nord-orientâl d’ Italie.
Di fât un dì a le sucedût che me mari Idanna (fie di none Cora) in compagnie di sioris amies e stevin cjolint il tè, te biblioteche de Vile. La strade comunâl e passe a une distance di tresinte metros, cusì che no si podeve sintì il caroçâ des carocis su la glerie fine, mentri che il rumor dal automobil si sarès sintût.

Ad un cert moment une des sioris e ferme il so discors e alçânt une man come par sinti, - Une machina? – Ah no, e je une gjespe, e diis.
Si che duncje, Nonino, come ai timps de nestre none Cora, e cumò cun me mari, al tornave a impegnâsi come condutôr. Cusì che oltri ai segrets cal possedeve su l’ûs de machine al aumentave une vore il so status di: conseîr fidat, autorevul e obleât. Insome la “Contessine”, titul che i veve dât fin da zovine, e veve di capì che un automobil no jere une semplice caroce.

Al veve undis agns cuant che Nonino a le rivât a Brazzà come aiut carocir, e al è lât a clamà il ginecolig cuant che me mari (Idanna) mi a dât a lûs . Il non di batessin di Nonino al jere Bepo (Giuseppe), ma simpri al è stât clamât pal cognon, pal fat cal sunave miôr ae pronuncie, e al semeave plui di famee, come sal fos un sorenon.
Al vignive di une famee modeste e dignitose di Cjasegnove vicin Udin, dulà che altris, ancjemò al dì di vuê, e produsin la famose Sgnape Nonino”. Al veve fat dome la scuele elementâr, ma al jere un omp pûr cun tune intime dissipline morâl e religjose, tipic de tradizion popolâr furlane.

Cun chestis dotis origjinariets si jere sintût a l’improvise tun ambient cusì profondamentri diviars, di antighe nobiltât e di culture cosmopolite.
I Brazzà di fat e jerin un dai rams dai Savorgnan, cjasade che a parti dal XV secul, e veve esercitât une virtuâl Signorie sul Friûl, issint de part de Republiche Serenissime di Vignesie, cuintri l’Impero Asburgjic.
Ma Nonino al veve fat front a cheste so ecezionâl esperience restant fedêl, umil e prudent, cuant che tal an 1899, la none Cora e ricef a Brazzà cun tant suces par dìs diis a la Granduchesse di Sassonie-Weimar, Nonino al veve za sot i soi ordins ducj i servizis de cjase .
La grande Vile di Brazzà, e jere stade metude a puèst de none Cora a partì dal 1888, e veve i soi bagnots elegants, ma no veve l’aghe corint, alore Nonino sot sere al veve di sigurâsi di fa rivà l’aghe a lis visìtis.
Dopo vè curat ogni piçul detai, e che nol jere altri di podè fa, si intardave tai press de veture, cu la stesse concentrazion di un cines cal cjale il so cjamp di riis.Cjars cun caratei tirats dai bûs le puartavin pas a pas da une sorgint lontane cuasi mil metrots de Vile, cheste aghe e vignive scjaldade a fuc di lens, e dopo lis camarelis le puartavin bulint tai variis bagnots .
Nonino al presideve il servizi des gulizions e des cenis, si ocupave dai cjavai e des carocis, e te sere dopo cene, dai ripârs dal Cjiscjel di ete medie, al dirizeve un coro cal intrerpretave “Vilotis” furlanis.
Come maiordom Nonino al veve ancje la responsabilitât dal bon andament des fiestis di bal. I salons e jerin iluminâts cun cjandèlis, centenârs di lôr…O ai capît parcè che Nonino ancjemò ai nestris timps al conservave che manìe pes cjandelis. Al netave simpri cun cure i grancj lampadaris venezians, e ches pocjis decenis di cjandelirs darint che si scugnive vê ca e là tal câs che les vie la lus eletriche, che si verificave rarementri e par pôc timp.

Cumò tal 1921, passade la prime vuere mondial, Nonino al jere content, al pareve cal ves cjatât alc dai soi zovins ains. Al jere di gnûf il maiordom, cul control di dute la servitût, une ventine di personis, al jere il carocîr titolâr, il plui elegant de regjon, duncje pratichementri un tecnic in cualchi mût confrontabil a un ingegnîr co-pilote dai atuai avions.
Al so lustri si asociave la posizion uniche che veve la sô femine, la famose Pine, intime amie e confidente di me mari. Pine nus faseve la sartore, cun tune machine di cusì Singer dal inizi secul, manovrade a pedâl, ancjemò vuê e je in ûs. E jere une vore inteligjente, e par cualsiasi problema e vignive clamade, e me mari e leve a cjase so traviarsant il zardin. Pine e jere tant spiritôse, come ancje me mari.
Dopo rivade la machine, Nonino si lu viodeve spes tal garâs, vistût cu la tute di mecanic, cualchi volte si viodevin dome i soi piis che spuntavin dal di sot il motôr.
Dopo vè curat ogni piçul detai, e che nol jere altri di podè fa, si intardave tai press de veture, cu la stesse concentrazion di un cines cal cjale il so cjamp di riis.
I rapuarts tra Nonino e la machine e jerin une vore particolârs, essint stât par tant timp, e seint ancjemò carocîr, al veve la tindince di assimilâ l’automobil a un cjaval. E come che no bisugnave stracà i cjavai, cusì bisugnave ancje no stracà il motôr. Al veve partant l’usance di guidà a velocitâts minimis, soredut in rive sù, des voltis me mari I diseve traviars il telefonut, “- Nonino, o soi in ritart, no puedial là un pôc puli svelt?-”, lui al rispuindeve “-Si contessine, ma no bisugne stracà il motôr, al acelerave lizermentri, ma dome par cualchi minut”
Il problema al deventave dramatic tal astat cuant che si leve in montagne, tes famosis Dolomitis, colossâi crets cuasi sculpits come monuments cosmics, fin e oltri i tre mil metrots di altece, emerzint di grandis forestis di pins.

Vuê di Brazzà si rive a lis Dolomìtis in dôs o trê oris, ma ai timps e voleve une zornade intere, e veve di superà il pâs de: Maurie, Misurina, Pordoi ecc.. ecc..
Si scomençave a lâ sù par chês stradis di tiare batude o glerie, par une infinitât di “tourniquetes” di curvis agutis, Nonino al spietave cun ansie il moment cal jere obleat a meti la seconde marce, adiriture la prime, par procedi a pas di cristian.
In cualchi câs, par fortune râr, denant di une trate ripide al 25%, nus domandave par fin di smontà ju, cul fin di consinti di la sù in prime e cence sfuarçà il motôr. Ogni volte co volevin fermâsi par movi lis gjambis o par bevi alc, o par fa ‘sisin jenfri i pins, lui imediatementri al solevave la capote de machine, cul fin diclarât di fa “ respirà il motôr”, il so incussient cjaval.
Forsi o dovevin fermâsi ancje par resons mecanichis. Si tratave di netà lis cjandelis dai cuatri cilindris, Nonino lu faseve cun cjarte di veri, cul rivuard di un orloiâr.
Cuant che mio fradi Jàcum (Giacomo) al veve un an, cun lui in machine e jere ancje la so baie Filumene Colmelet, une femine de planure Pedemontane, e par nie usade a e alte montagne, cuanche la machine e leve sù par stradis stretis diurint su un straplomp, e continuave a ripeti tal so dialet Belunes, - “Ah Maria verzene! Ah Maria verzene!” Se si viodeve a traviars la valade grups di cjasupulis incjastradis tra parets di pieris, e diseve, puare mai me, “-Ah Maria verzene, se i ghe scapa zo un toc di polenta, no i la ciapa più!”

Al è vêr paraltri che tai moments dulà che la strade lunc il precipizi, no jere plui largje de nestre machine, la prudente guide di câi, di Nonino, e jere une vore preseabil. In agns sucessîfs tal puest di Filumene, e jere Jessie Johnson, une scozese di Inverness, che si ocupave di Jàcum e di mê sûr Marine, la ultime nassude, Jessie no veve pôre dai precipizis, ma al cjatâsi a alturis une vore superiors a chês de Scozie, e veve mal di montagne, si spuarzeve fûr de barconete butant une agarole virginâl.
Il vêr drame di Nonino, a la vût lûc une dì che o sin lâts di Brazzà ae vicine Gurize, mio pari al voleve riviodi lis trinceis cal veve ocupat, come uficial al inizi de prime vuere mondial, cuintri l’esercit Austro-Ongjar, te cime dal Sabotino e al Montesanto.
Tornant indaûr o percorevin la strade provinciâl di tiare batude cuvierte di glerie fine, mio pari si jere sentât devant dongje Nonino, al voleve misurà la velocitât massime di cheste maraveose machine. Naturalmentri nol esisteve il contâdor dai chilòmetrots, par chel mio pari a la usat, la lancete dai seconts dal so cronòmetri di pols, in corrispondence cu lis pieris miliars che figurin sun tun dai ôrs de strade.
I domande a Nonino cal sufrìve come un danât, di molà la machine a e massime velocitât, acelerant fin in font, mio pari finalmentri sodisfat ja permetût di ralentà: o jerin rivâts a sessante km. l’ore! Nonino al à tirat un respîr di solêv, e soridint ancje lui! ce machina! al diseve…

Par completà il cuadri des vicendis di Nonino e dal so automobil, e val la pene contà un dai tancj viaçs co fin fat di Brazzà a Rome. Si leve in autun pal inizi da l’an scolastic, e si tornave tal mes di jugn, e jerin viaçs di cirche sietcent km., e volevin trê diis, vuê cu lis autostradis modernis a si impleà des siis aes vot oris.
La soluzion e jere che di passà dôs gnots in palaçs o vilis di parincj, fasint une medie di 250 km. al dì, dal matin prest fin a e ore di cene. Chestis fermadis e jerin di solit al palaç Papafava a Padue, podopo tai press di Perugia, te proprietât dai Bracceschi, e a Montepulciano lì dai Bracci-Testasecca, dongje la vie Cassia.
Tal percors al jere di superà i Apenins, a sud de val Padane, di solit traviarsânt i pas di Porreta o di Futa. Lis stradis a trats e jerin vonde brutis, e lis pompis di benzine vonde distantis tra di lôr, cent km. o forsi ancje di plui. Par chest si puartave doi bidons di benzine come riserve. Cuant che si doveve utilizale, Nonino al infilave une plere tal serbatoio, e dopo i diseve a mio pari sentât denant “ Sior colonel, el spagnolet!”.
Ma lis scortis di Nonino no si limitavin dome a e benzine: batarie, gnove, copertons, dos cjamaris di ajar, blecs e gome adesive par taponà lis busis, valvulis, filtro pal vueli e pal ajar, une colezion di claus, fii eletrics e vie…vie…Lis scortis mecanichis e jerin, ce che al è in ûs vuê par traviarsà il Sahara .

In ogni viaç di sigur che si sbusave une volte al dì, Nonino al smontave, si meteve la tute di mecanic, al gjavave la ruèdule, al tirave fûr la cjamare dal aiar, le riparave cun tun blec, e le rimontave, al sglonfave la gome cun tune pompe a pedâl cun tante pazience.
Intant no o spetavin sentâts sul prât, bevent cualchi rinfresc, ancje il past di misdì al jere simpri fat a “pic-nic” – Nonino, vuelial chest?, I domandave mê mari. –Grazie Contessine, al mangjave pôc, al podeve dome pensà… al so cjar “motôr”.
Une dì, mi par in Romagne, la strade une vore pesime, lant jù viars un piçul torent cence puint, che bisugnave passâlu a vât, une invisibile e profonde buse, e a provocât une violente scosse al biroç, nonino a lè smontât, la machine e jere dute stuarte, la so diagnosi e je stade imediade, - Eh Contessine, si è rot il mieç as di daur”. Ma nie pore.
Si sen campâs sul prât. Nonino te sô colezion di parts al veve ancje un mieç as, al si è metût la solite tute e a la lavorât par dôs buinis oris su l’ôr de strade. E jere une riparazion che al dì di vuê, in tune oficine ti tegnin la machine, un par di diis .
Al finâl de trate diarie, si rivave a e proprietât dai parincj par passà la gnot. Nonino si unive a e servitût de cjase pe cene, dopo che vevin cenât i parons. Al esaminave, al controlave scrupolosementri il motôr, al lavave il biroç dentri e fûr. O podaressin domandâsi se al ves cirût par istint naturâl, la spaçule e la strighie cal usave te scudarie cui soi cjavai stracs, prin di daur lôr la blave e metiju a durmì.
No si sà parce che, Nonino, al jevave a lis sis di matine, ancje se si partive a lis vot; e cuant che si montave in machine, al veve bielzà scjaldât il motôr, almancul un diis minuts, come che si fas vuê cui avions su la piste.

O ricuardi ancje la manovre cal faseve cuant cal jentrave in tun abitât: si pleave ju de bande çampe dal panel di guide, e al tirave un rimpin, fasint lo stes al lassà il paîs daur, al meteve in vore alc cal cidinave il motôr, za che chest al jere un tant rumorôs .
Cul passà dai ains me mari e à vût altris machinis, simpri plui modernis, e simpri cun Nonino a e guide, Lui al continuave a vê cure des gnovis machinis, come che jere la so usance, ma cumò o disarès cun mancul passion, di fat lôr no vevin tante necesitât di Lui, masse diviarsis dai cjavai .
Tai ultins ains di vite di me mari, a partì dal 1930, Brazzà e stât mete di ospits ilustris. Tal 1936 dut il parc le stât iluminât cun lampadinis eletrichis platadis tai pins e altris arbui: le stât par ricevi la Principesse, Bona di Savoia-Genova .
I obligs di Nonino come maiordom e deventarin pesants di dovè meti come so aiutant il fradi Luigji, ancje Lui une vore “ Stilè “ tal servì la taule e cjalant che dut il servizi si displeàs a traviars lis scjalis ancjemò vuê, clamadis “ di servizi “, che puartavin de cusine grande dal plan di sot, fin ae cjamare di gustà, che jere al prin plan.

Me mari e mûr prime de Seconde Vuere Mondial, intant che la femine di Nonino, la Pine, e je mancjade sedis agns plui tart. Tal piçul simitieri di Sante Margarite, e son soteradis une dongje l’ altre.
Dopo la muart di me mari tal 1940, e ven a Brazzà come parone di cjase par sposasi cun mè, Fey von Hassell, il pari di jê al è stât ambassadôr de Germanie a Rome, e lu àn justiziât par vê partecipât al complot dal 20 di lui, cuintri Hitler .
Par Nonino e jere la tiarce gjenerazion. Fey e veve vincieun agns, masse zovine par aministrâ lis complessis usancis de vite di Brazzà.
I “menù” gulizions, cenis, il te des cinc, servît tal “Barceau del te” su la grande taule di ciment. Nonino al regolave dut chest, - i puescj a taule – lis fasis dal servizi, cence fasi viodi, cun semplicis e discretis vogladis ae parone, magari cun tune cimiade di voli, e un lezêr ridi.

L’ultime automobil e je stade vindude o secuestrade al inizi de vuere, no mi visi ben, la benzine par ûs privât e jere razionade.
A Brazzà, Nonino a le tornât ai cjavai, a une caroce decapotabil, e a un saret, e jere ancemò “Titina”, la “ pony” inglese, che veve vincj agns e completamentri vuarbe. No si inçopedave mai lant pe strade, e solevave simpri par ben i arts anteriôrs, come une che sa trotà, e ancje pe sensibilitât al freno, Nonino al tignive lis redinis cun doi dêts, come sal stes usant une ligne di pescje, nonostant i ains no veve par nie ridot il so trot lunc e svelt, miôr amcjemò di cuant che le tacavin al “ Tonneau “ a dos ruèdulis, viart cun tun sportel posteriôr . A voltis e pareve plui svelte de Fiat 502 .
“Titina” e je muarte a vincesiet ains, dopo cualchi an in pension te scudarie, cun buine blave e fen profumat, no puartave plui la cjavece e cuant che veve sêt, ancje se vuarbe, e leve bessole al beveradôr, cognossint lis parets e i cjantons .

Nonino al jere rivât ai sessante agns di fedêl servizi a cjase nestre, al è stât nomenat “Cavalîr dal Lavôr” cun regolâr decorazion. Plui indevant, cui soi setantetrê agns, e vent piardude la sô femine Pine, al decit di parti cu la so ultime fie sposade, e là cui altris fiis, che da agns e vivevin a Buenos Aires, Argjentine .
Dopo la liberazion dal nord d’Italie, da part dai aleâts, o sin tornats a Brazzà, che jere ocupade dal “Comant de aviazion Britaniche”, pal setôr Talian e Austriac .
Ai nestris doi cjavai di siele, insieme a ducj chei recuisîts dai uficiâi inglês dal “Dessert Air Force”, che vevin emplât la scuderie. Jo o levi a Udin a cjaval a fa lis spesis, distant undis chilòmetros, nus restavin lis carocis, ma no vevin il carocîr.
Bisugnave tornà a une machine. O sin lâts a Vignesie, al “American war Material Salvage Center”, dulà che par cent e cincuante dolars, o vin comprât doi “jeep e une Station Wagon”.
Ma chescj veicui no vevin bisugne di Nonino, se tu i metevis bire al puest de benzine, e filavin lo stes.