viodi "il Palâç" viodi "il cjiscjel" viodi "la gleseute" viodi "il parc" viodi "la cjase di Nonino"
il portâl il proposit prin di rivâ o sin rivâts
i Baschera i Nonino i Pirzio-Biroli la storie e va indenant
                    viôt il arbul gjenealogjic


Doi fradis Baschera: Uria e Manlio, (fiis di Angelo Lino e Alba Freschi, di Tavagnà), si son sposats cun dôs fies di Nonino, Livie e Amelie.
Amelie e Manlio, a son partîts cun Dino lôr fi pe Argjentine, prin de seconde vuere mundial.
In tant che Uria al prestave servizi tal comant sanitari in Afriche, Livie e viveve cui soi paris a Brazzà. Uria a le tornât a cjase prin che fos finide la vuere; al veve cjapade la malarie.
Fey, durant la nestre visite a Brazzà, nus ricuardave che Uria in chei agns al jere debil di salût. Uria al è muart a Buenos Aires tal an 1957 afiet da chel mâl.
So fi maiôr, mio barbe Bruno al è sposât cun Laura Puzzovio, e di cheste union a son nassûts i mei cusins, Fulvio e Sandro.
Laura me agne e je mancjade tal 1983, e Bruno tal 1986, me none Livie, invezit tal 1989.
Gno pari, Lino Silvano, si e sposât cun Susana Reisinger, e a àn vut doi fiis, me sûr, Claudia, e jo Eduardo Dino.
Mio pari al è muart tal 1997.
Dino (fi di Manlio e Amelia) si è sposât cun Ester Intriago, e a àn vût doi fiis: Fabian e Diego. Dino al è muart tal 1996.
Uria e Manlio a vevin vôt fradis, une sûr e jere muinie Yolanda (Suora della Providenza), e Luiggia cui e mantignive corispondence cun Manlio. Grazie a chê corispondince o vevin cognossût cinc agns indaûr Roberto Liva, nevôt di Luiggia.

Roberto nus à puartât un arbul gjenealogjic, dulà 'nd'è chel che nus mancjave. La rie di partence e je tal 1813, cun la nassite di Marzio Baschera, oriunt de Feagne (fi di Piero Giuseppe e Vittoria).
No cate che Manlio al diseve spess che in prin i Baschera a jerin origjinaris dal Montenegro, no vevin cjatade olme di chest.

Foti di mio nonno Uria dall˙época della guerra


Pasaportes de Uria, Livia y Papá
(al se menor de edad debía figurar con su madre)
y el pasaporte de Nonino

I Baschera di Feagne

Feagne e je une localitât distant cinc km. di Brazzà, fate su ator di un Cjiscjel de stesse epoche. Cuant che o investigavin cu la mê femine dulà cjatâ un puest par stà, o vin cjatât un “Hotel Baschera" in cheste citât. Ancje se no si sin fermâs li, o sin lâts a cognossilu e o vin vût la pussibilitât di bevi un cafè cul paron Marcello Baschera, par savê so jerin parincj.
Nus contave che a principis dal XX secul, grant part de sô famee e veve emigrât in Argjentine, e par chel che nus à dit, o pensin che a son lâts a Cordoba, ma lui nol cognoseve nissun dai nons che jo i disevi, e mi à confidât che in pasât i soi antenats a vignivin di Brazzà.
Baschera in Argjentine o sin dome mê sûr Claudia e jo, i mei cusins Fulvio e Sandro -fis di barbe Bruno-, che a vivin te provincie plui austral de Argjentine, “ Tierra del fuego “.
E i mei cusins Fabian e Diego -fiis di Dino-. Nol è plui nissun cun chest cognon (salvo i nestris fiis). Ma o savìn che al è un Sergio Baschera, un architet che al vîv a Rosario; e al è pôc che si è metût in contat cun me sûr Claudia, une fantate di non Natalia cun cui o stin tratant di scuvierzi se al esist une cualchi relazi"n tra lis dos fameis.

Grazie al siôr Irno Franco Burelli, president dal Fogolâr Furlan di “Mar del Plata", e une vore amì di Ettore Persello, che al è stât tant amabil a prestami un libri inpressionant “Fagagna in soffitta“, o ai podût riscatâ une altre part di storie dai Baschera di Feagne.
E scrîf Elisabetta Brunello Z., in “Feagne in sufite“:
-"Un personaç che al merte fevelâ di lui, al è “Dolfo Baschere“ (Adolfo Baschera), proprietari de ostarie ta chei timps, che ancjemò vuê e puarte il so non. Al jere un omp alt e magri, cun grancj mostaçjns, che i devin un aiar di artist.
Il so non al è leât a lis primis corsis di mus, lui al è stât il promotôr e organizadôr. La imagjine che o vin di lui e je chê di un robust zovin a cjaval di une biciclete, une des primis cuntune ruede plui grande di chê altre, si dîs che al è stât un dai prins, anzit il prin di ducj a Feagne a montâ su chê “moderne“ machinarie.

Fevelant di lui, a ven a lûs un mont di “colôrs“ za sparits al dì di vuê completamentri: la ostarie Baschera cul so parc in len par i cjavai (une volte si e brusât dut e Dolfo al vaive). La machine di musiche dulà che coventavin vencj centesims par fale sunà; la sale Eden pes grandis fiestis di bâl; la tratorie che inondave di aromats des mangjativis de siore Marie Baschera; il curtîl plen di int tes zornadis di marcjât (lis domenies tor sere a rivavin i comerciants Toscans, pal marcjât dal martars, e albergavin lì par podè tirâ sù lis barachis a timp). La ostarie de siore Bin invezít e jere un tant plui rafinade, frecuentade par clients plui selezionâts, e jere denant di chê di Baschera, vuê ta chel puest e je une profumarie…
(*) per se ci fosse qualche dubbio su quello che dice che "il mondo è un fassoleto", il Signore Burelli è imparentato con i Savorgnan dei Cergneu che vivevano all Caastello di Brazzà Inferiore a pochi metri dal castello che abbiamo visitato.
 
Dolfo Baschera in 1896, e la locanda Baschera nei primi anni del secolo XX.